नोंदणीकृत बांधकाम कामगाराच्या विधवा/विधुरासाठी आर्थिक सहाय्य योजना

तपशील

या योजनेद्वारे नोंदणीकृत बांधकाम कामगाराचा कामाच्या ठिकाणी मृत्यू झाल्यास, त्यांच्या विधवा किंवा विधुरास ₹२४,०००/- प्रति वर्ष इतकी अर्थिक मदत ५ वर्षांपर्यंत दिली जाते.

लाभ

• ₹२४,०००/- प्रतिवर्ष
• कालावधी: जास्तीत जास्त ५ वर्षांपर्यंत

पात्रता

1. अर्जदार मृत बांधकाम कामगाराचा विधवा किंवा विधुर असावा.
2. मृत कामगार हा महाराष्ट्र इमारत व इतर बांधकाम कामगार कल्याण मंडळात नोंदणीकृत असावा.

अर्ज प्रक्रिया (ऑफलाईन)

1. अर्जदाराने महाराष्ट्र इमारत व इतर बांधकाम कामगार कल्याण मंडळाच्या अधिकृत संकेतस्थळावरून अर्ज डाउनलोड करावा.
2. अर्जामध्ये सर्व आवश्यक माहिती भरावी व स्व-प्रमाणित आवश्यक कागदपत्रे जोडावीत.
3. भरलेला अर्ज व कागदपत्रे कामगार आयुक्त किंवा शासकीय कामगार अधिकारी यांच्याकडे सादर करावेत.
4. अर्ज सादर करताना पावती/प्राप्तीपत्र मागवावे, ज्यामध्ये अर्ज सादर केल्याची तारीख, वेळ आणि युनिक ओळख क्रमांक (असल्यास) नमूद केलेले असावे.

आवश्यक कागदपत्रे

1. पासपोर्ट साईझ फोटो
2. आधार कार्ड
3. महाराष्ट्र इमारत व इतर बांधकाम कामगार कल्याण मंडळाचे ओळखपत्र
4. बँक पासबुक
5. मृत्यू प्रमाणपत्र (प्रमाणित वैद्यकीय प्राधिकाऱ्यांकडून)
6. निवासाचा पुरावा (खालीलपैकी कुठलाही एक):
   • आधार कार्ड
   • पासपोर्ट
   • ड्रायव्हिंग लायसन्स
   • रेशन कार्ड
   • मागील महिन्याचे वीज बिल
   • ग्रामपंचायत प्रमाणपत्र